10-годзьдзе Народнага альбому

[Frongy]

Старыя добрыя Казік і Юзік, Болек і Лёлек, Аліцыя з Адэлькаю,
а таксама Кася Камоцкая, Лявон Вольскі, Зьміцер Вайцюшкевіч, Міхал Анемпадыстаў
ды іншыя зоркі запрашаюць разам адсьвяткаваць
10-годзьдзе Народнага альбому.
Сьпевы, танцы і сардэчныя сустрэчы адбудуцца
18 сьнежня ў клюбе Фартуна.
Сьпяшайцеся на самы пасьпяховы і дасьціпны мюзыкл пра жыцьцё ў мястэчку Ракаў
у Заходняй Беларусі – паміж дзьвюма войнамі, паміж дзьвюма імпэрыямі.
Як жылі, пяялі, танчылі, выпівалі, любіліся й біліся тутэйшыя -- беларусы і жыды, палякі і расейцы.
Геніяльная стылізацыя (ці жывая рэканструкцыя?) Міхала Анемпадыстава,
душэўная праца мегазорак беларускага року, выдатнае шоў,
дзе ёсьць кпіны й лірыка, бойкі й скокі, кава й піва з цынамонам.
Адмыслова на юбілей НА з Бэрліну прылятае Вераніка Круглова («Крыві»).